Mugimendu askea funtsezkoa da
Hitz atseginak eta zaintza leuna ez dira nahikoa, haurtxoak berarekin hitz egiten ari direla sentitu behar du
Emmi Pikler
Emmi Pikler eta Lóczy Institutua
“Izan ere, gizabanakoaren suntsipen-moduei buruzko guztia irakatsi digun mende honetan, bakarrak dira, hemen bezala, gizakia eraikitzen laguntzen dakiten lekuak”. Bernard Martino, “Lóczy, un hogar para crecer”.
Emmi Pikler-ek iraultza eragin zuen haurren hazkuntza eta garapenaren ezagutzen inguruan. 1902an Vienan jaiotako hungariar pediatra honi, ume txikien motrizitate orokorrari dagozkion aurkikuntza garrantzitsuak eta haur txikien garapenerako baldintza egokien bilaketa nekaezina zor dizkiogu. Bere kemenari esker, haurren eguneroko bizitza ikerketa zientifikoko gaia bilakatu zuen.
Lóczy etxea, bertan bizi ziren haurrei euren garapena zainduko zuen bizi-esperientzia eskaintzeaz arduratzeaz gain, ikerketa gune ere bihurtu zen, haurtxoaren garapenaren alderdi desberdinen inguruko behaketa ugari eta zehatzak burutuz, euren lanerako hauetan oinarrituz.
Gure Agenda atalean Euskal Herriko Pikler-Lóczy Elkarteak hurrengo datetarako antolatu dituen jarduerak aurkituko dituzu, beste elkarte batzuek eskainitako Pikleriar ikuspegiko formazioekin batera
